Облыс прокурорының көмекшісі Айсұлу Сүлеймен әйелдің бұрынғы күйеуі Сұлтан Сәрсемалиев жасаған қылмысты жасырды деген күдікті растайтын дәлелдер тергеу барысында жиналмағанын хабарлады.
Еске салайық, «Кісі өлтіру» бабы бойынша қылмыстық іс өткен жылы жұптың Индонезияның Ломбок аралындағы Сенару ауылында ұсталуынан кейін қозғалған. Акбаян Мұқанғалиевадан кісі өлтіру айыбы қылмыс құрамының жоқтығына байланысты алынып тасталды.
Оның ерекше ауыр қылмысты жасыруы мүмкін деген материалдар бөлек іс жүргізуге бөлінген. Енді бұл іс жүргізу де тоқтатылды.
Прокуратура мәліметтері бойынша, Акбаян Мұқанғалиеваға Алматыда стационарлық кешенді сот психологиялық-психиатриялық сараптамасынан кейін динамикалық бақылау және қосымша диагностика ұсынылған. Қазір ол емделуде.
Сұлтан Сәрсемалиевке қатысты сот процесі жалғасуда. 7 шілдеге тағайындалған тараптардың пікірталасы сот ғимаратында жарық болмауына байланысты 9 шілдеге сағат 11:00-ге ауыстырылды. Соңғы отырыста оған қатысты айыптау қатаңдатылды.