Өткен жылдан бастап өңірде аул аралау арқылы түгендеу жүргізілуде. 26 мыңнан астам аула тексерілді.
Мамандар ақпараттық жүйенің деректерін жануарлардың нақты санымен салыстырады. Осылайша есепке алынбаған мал басы анықталып, сәйкессіздіктер жойылады.
Тексеруге ветеринария мамандары, мемлекеттік инспекторлар және ауылдық округ әкімдіктерінің өкілдері қатысады. Иелеріне төлді сәйкестендіру ережелері және жануарлардың тууы, сатылуы, қырылуы немесе союы туралы хабарлау тәртібі түсіндіріледі.
1 қыркүйекке дейінгі мерзім
Есепке алуды жүргізу міндеті мал иелерінің өзінде. 1 қыркүйекке дейін сәйкессіздіктер жойылмаса, әкімшілік шаралармен бақылау іс-шаралары басталады. Бұзушылықтар үшін ескертулер мен айыппұлдар қарастырылған.
Сәйкестендіру құралдары және цифрландыру
Облыс сәйкестендіру құралдарымен толық қамтамасыз етілген. Маусымда келесі партия сатып алынды — ауыл шаруашылығы жануарларының барлық түрлеріне 380 мыңнан астам құлақ биркасы.
Малды есепке қою және есептен шығару бойынша барлық операциялар енді мемлекеттік ақпараттық жүйелер арқылы жүргізіледі. Иелері TortTulik мобильді қосымшасында мәліметтерді қадағалай алады, онда электрондық ветеринариялық паспорттар және мәмілелерді рәсімдеу мүмкіндігі бар.
Нақты есеп вакцинацияны уақытылы өткізуге, жануарлардың қозғалысын бақылауға және ауру ошақтарын тезірек табуға көмектеседі.