Бұл туралы Шығыс Қазақстан облысы экология департаментінің басшысы міндетін атқарушы Әсет Сүлейменов брифингте мәлімдеді.
Оның мәліметінше, мұндай жағдайлар қаңтарда 15 күн, ақпанда — 10 күн, наурызда — 3 күн, сәуірде — 5 күн, мамырда — 3 күн және маусымда — 4 күн қалыптасқан. Себеп — желдің әлсіздігі, ауа алмасудың жеткіліксіздігі және температуралық инверсия.
Бұл кезеңдерде аймақтың өнеркәсіптік кәсіпорындары экологиялық талаптарға сәйкес шығарындыларды азайтуға міндетті. Департамент мамандары ауа сапасына мониторингті жалғастыруда және кәсіпорындардың белгіленген жұмыс режимін сақтауын тексереді.
Мұндай күндері шығарынды көлемін азайту ауа сапасын жақсартуға көмектеседі. Бұған дейін Өскеменде қолайсыз метеорологиялық жағдайлар кезінде мектептерде қашықтықтан оқытудың қағидалары бекітілген.